AGB (cundiziuns generalas da fatschenta)
- 1. Remarcas preliminaras
- Gl’attest d‘indigens (el suandont numnaus attest) emettan las vischnauncas corrispundentas da Flem, Laax ni Falera (el suandont numnadas vischnaunca). El conceda prestaziuns a prezis reduci per persunas indigenas. L’utilisaziun digl attest ei suttamessa allas cundiziuns che suondan.
- 2. Dretg d‘utilisaziun
- 2.1 Persunas naven dil 6avel onn da veta cun domicil fix en ina dallas vischnauncas Flem, Laax ni Falera san dumandar gl’attest.
2.2 Las informaziuns ch’ein necessarias pigl attest ein prenum e num da famiglia, data da naschientscha ed adressa registrada. Ina fotografia actuala sto vegnir aschuntada alla damonda. - 3. Taxas
- 3.1 Per far gl’attest vegn incassau ina taxa d’elaboraziun da CHF 10.00. Quella taxa includa l’examinaziun dalla damonda, la producziun e la spediziun digl attest. Ina restituziun cun bandunar il liug da domicil ei exclusa.
- 4. Valeivladad
- 4.1 Gl’attest vala per 5 onns naven dalla data d’emissiun e piarda sia valeivladad culla partenza dalla vischnaunca emittura.
- 5. Damonda
- 5.1 Gl’attest sa vegnir dumandaus online ni persunalmein tier la vischnaunca corrispundenta. La damonda succeda duront las uras d’avertura dil spurtegl dalla vischnaunca.
- 6. Diever digl attest
- 6.1 Gl’attest sa vegnir duvraus en fuorma digitala sil Smartphone. Demai che partenaris da prestaziuns san insister da mussar gl‘attest fisic, vegn ei cussegliau da purtar adina sin sesez quel.
6.2 El cass da sperdita ni donnegiar sa vegnir emess in attest da remplazzament encunter ina taxa d’elaboraziun.
6.3 Far maldiever digl attest ei punibel. Gl’attest ei in document persunal nuntransferibel. - 7. Informaziun al partenari da prestaziun
- 7.1 En cass d’ina partenza ord la vischnaunca d’emissiun informescha la vischnaunca da domicil ils partenaris da prestaziun davart la partenza e scadenza dalla carta d’indigens dalla possesura ni dil possesur.
7.2 Cun la partenza dalla vischnaunca piarda la carta la valeivladad e la possesura ni il possesur ein obligai da disfar la carta ni returnar alla vischnaunca d’emissiun. L’utilisaziun dalla carta suenter ina partenza dalla vischnaunca ei buca lubiu e sa caschunar consequenzas giuridicas.
- 8. Schurmetg da datas
- 8.1 Las datas persunalas vegnan tractadas tenor las disposiziuns vertentas davart il schurmetg da datas. La vischnaunca ha envesta en quellas sulettamein en connex culla damonda pigl attest.
- 9. Midadas dallas cundiziuns generalas da fatschenta
- 9.1 La vischnaunca resalva il dretg da midar da tut temps quellas cundiziuns generalas da fatschenta. Las midadas vegnan communicadas ad uras als possessurs digl attest.
- 10. Dretg applicabel e liug da dertgira
- 10.1 Questas cundiziuns generalas da fatschenta ein suttamessas exclusivamein al dretg svizzer.
10.2 Liug da dertgira en cass da dispettas en connex cun questas cundiziuns generalas da fatschenta ei Flem, nun ch’il dretg da process civil determineschi ei buca stringentamein autruisa.
Questas cundiziuns generalas da fatschenta entran en vigur igl 1-10-2024
